ഞാൻ അബു, നാലു വയസ്സ്!

എന്റെ പേര് അബു. എനിക്കിന്ന് നാല് വയസ്സ് തികഞ്ഞു.
എനിക്ക് ഏറ്റവും നല്ലൊരു സമ്മാനം ഇത്തവണ തരുമെന്ന് വാപ്പ ഇന്നലെ പറഞ്ഞിരുന്നു.
അത് കേട്ടപ്പോൾ, ഉമ്മയും സന്തോഷത്തോടെ കെട്ടിപ്പിടിച്ച് എനിക്കൊരു മുത്തം തന്നു.
ഞാൻ വളരെ സന്തോഷവാൻ ആയിരുന്നു.
രാത്രി ഒരുപാട് നേരം സമ്മാനത്തെക്കുറിച്ചോർത്ത് ഞാൻ ഉറങ്ങാതെ കിടന്നു.

-----------------------------------------------

കെട്ടിവച്ചിരുന്ന തുണി അഴിച്ചു മാറ്റിയപ്പോൾ ആണ്  ഞാനത് കണ്ടത്.
മൂത്രം ഒഴിക്കുന്ന സുനയുടെ അറ്റത്തുള്ള തൊലി ഇല്ല,
അത് മുറിച്ചു മാറ്റിയിരിക്കുന്നു.
രക്തം അവിടവിടെ കട്ടപിടിച്ചിരിപ്പുണ്ട്.
രാവിലെ അനുഭവപ്പെട്ട കഠിനമായ വേദന ഓർക്കാൻ പോലും പറ്റുന്നില്ല.
വാപ്പ തന്നെ അമർത്തി പിടിച്ചിരുന്നു. ഉമ്മയും അരികിൽ ഉണ്ടായിരുന്നു.
അസഹ്യമായ വേദനമൂലം വാപ്പയുടെ ബലിഷ്ഠമായ കൈകളിൽ നിന്നും കുതറി മാറാൻ ശ്രമിച്ചിട്ടും ഫലമുണ്ടായില്ല.
വാപ്പയുടെ കരുത്തിനു മുൻപിൽ ഞാൻ ആര്?
അങ്ങിനെ നിലവിളിക്കുമ്പോഴും വാപ്പ പറയുന്നത് ഞാൻ വ്യക്തമായും കേട്ടിരുന്നു.
ഈ വേദന സാരമില്ല, അള്ളാഹുവിന്റെ കോപം ഇനി നിന്റെമേൽ ഉണ്ടാവില്ല.
അള്ളാഹു എന്നു കേട്ടപ്പോൾ ഞാൻ നിശബ്ദനായി, ഭയം എന്നിൽ നിറഞ്ഞു.
പക്ഷെ അപ്പോഴും മൂത്രം ഒഴിക്കാറുള്ള ഭാഗത്ത് നിന്നും എന്തോ മുറിച്ചു മാറ്റുന്നതുപോലെ എനിക്ക് തോന്നിയിരുന്നു.
ഇപ്പോൾ എന്താണ് സംഭവിച്ചതെന്ന് എനിക്ക് വ്യക്തമാണ്
ഇനി അള്ളാഹു എന്നെ സ്നേഹിക്കും
എന്റെ പ്രിയപ്പെട്ട വാപ്പയും ഉമ്മയും, എത്ര നല്ല സമ്മാനം ആണ് എനിക്ക് തന്നത്.
ഇനി അള്ളാഹു എന്റെ തല വെട്ടില്ല.
എനിക്ക് സന്തോഷമായി,
തൊലി മുറിച്ചു മാറ്റിയ മൂത്രം ഒഴിക്കുന്ന സുനയെ ഞാൻ പതിയെ തലോടി.
എന്റെ പ്രിയപ്പെട്ട വാപ്പ, പ്രിയപ്പെട്ട ഉമ്മ.
അപ്പോൾ എന്റെ അരികിലേക്ക് ചേർന്നിരുന്ന് എന്നെ തലോടിയ ഉമ്മയുടെ കവിളിൽ തട്ടം മാറ്റി ഞാനൊരു മുത്തം കൊടുത്തു.
ഏറ്റവും നല്ല സമ്മാനം തന്ന വാപ്പയ്ക്കും ഒരു മുത്തം കൊടുക്കണം.
വാപ്പയും ഉമ്മയും എനിക്ക് നല്ലതേ ചെയ്യൂ.
ഞാൻ സന്തോഷത്തോടെയും സമാധാനത്തോടെയും ഉമ്മയുടെ മടിയിലേക്കു ചാഞ്ഞു.

<<<<<ശുഭം>>>>>

കൂടുതൽ വായനയ്ക്ക്:

http://seban15081969.blogspot.in/2014/06/blog-post_2412.html
http://seban15081969.blogspot.in/2014/06/blog-post_5.html