ഭാര്യ പറഞ്ഞതാണ് ശരി: എനിക്ക് വട്ടാണ്, എന്നെ പൂട്ടിയിടണം.

എനിക്ക് വട്ടാണെന്ന് എൻറെ ഭാര്യ പറഞ്ഞതിൽ ഒരു തെറ്റുമില്ല. ഞാൻ ഒരു വട്ടനും, ഈ ലോകത്തുള്ള ഏറ്റവും വലിയ വിഡ്ഢികളിൽ ഒരാളുമാണ്.

അല്ലെങ്കിൽ അഴിമതിക്കെതിരെ പോരാടിയിട്ട്, ജയിലിലും കിടന്ന് ജോലിയും കളഞ്ഞു തെണ്ടി വന്നിട്ട്, അധികാരത്തിൽ ഇരിക്കുന്ന മാണിമാരെപ്പോലുള്ള പൊലയാടിമക്കളുടെ അടുത്ത് 'അടിയന് നീതി തരണേ, നീതി തരണേ' എന്ന് വിലപിച്ചുകൊണ്ട് പതിറ്റാണ്ടുകൾ തെണ്ടില്ലായിരുന്നു.

എനിക്ക് വട്ടാണ്, എന്നെ പൂട്ടിയിടണം.

അതിനു മുൻപ്, ആഷിഖ് അബു പറഞ്ഞതുപോലെ എൻറെ വകയും 500 രൂപ മാണിക്കുള്ള ഫണ്ടിലേയ്ക്ക്. അവരും കഷ്ടപ്പെടാതെ ജീവിക്കട്ടെന്നേ. എനിക്കറിവായ കാലം മുതൽ സംസ്ഥാനത്തെ സമ്പത്ത് കാത്തു സൂക്ഷിക്കുകയായിരുന്നു പാവം.

ഊമ്മൻ ചാണ്ടിയെ ആർക്കും കുറ്റം പറയാൻ ആകില്ല, കാരണം മാണിയോടും എന്നോടും നിഷ്പക്ഷമായാണ് ഇടപെട്ടത്. അതായത്, എൻറെ പരാതിയും, മാണിമാർക്ക്  (എല്ലാവരും തന്നെ മാണിമാരാണ്) എതിരെയുള്ള അഴിമതി ആരോപണങ്ങളും രണ്ടും കണ്ടില്ലെന്നു നടിച്ചു. അതിനാണ് സംശുദ്ധമായ കൃത്യനിർവ്വഹണം എന്ന് പറയുന്നത്.

ഏതായാലും രണ്ടു കുറുക്കന്മാരാണ് ഇതൊക്കെയും കണ്ടു രക്തം കുടിക്കാൻ തക്കം പാർത്തിരിക്കുന്നത്. ടിപിയെ കൊന്നതുമുതൽ അധികാരത്തിൽ എത്താൻ സാധ്യത തീരെ ഇല്ലാതിരുന്ന സിപിഎമ്മും, വർഗ്ഗീയ രാഷ്ട്രീയം കളിക്കുന്ന (ആരാണ് അങ്ങിനെയല്ലാത്തത് എന്നൊരു മറുചോദ്യവും ഉണ്ട്) ബിജെപിയും.

ആരുവന്നാലും, മാണിമാർക്ക് ഒരു കുറവും ഉണ്ടാവില്ല എന്ന് നമുക്ക് ആശ്വസിക്കാം.

നിർത്തി കേട്ടോ, ഇനി എന്നെ ചങ്ങലക്കിടാം.